ஏக்கம் எதிரி

 எதிரியை விட

எதிர்பார்ப்புகள் ஏமாற்றும்

ஏமாறாதே

எண்ணியதை செய் 

செய்யலாகததை எண்ணாதே 

சுடும் காதல்

 தீ சுடும் என அறிந்த பின்

யாரும் தானாக அதில் சுட்டு கொள்வதில்லை

சுடும் என அறிந்தும்

காதலில் மீண்டும் மீண்டும் சுட்டு கொள்வர்

மெய் சக்தி

 பிறர் செய்யும் சதிகளை தாண்டி

மெய் நம்மை காப்பது

மெய்சிலிர்க் வைக்கிறது

மையாத மெய்

மதுரமாய் 

பாச பாதம்

 என் பாதங்களை தொடாதே

பல பாவங்கள் செய்தவன்

பார்ப்பவர்களுக்கெல்லாம் 

பாசம் காட்டி ஏமாந்தவன்

அன்பின் மேல்

 என் அன்பை எட்டு திசைகள் வீசிய பின்பும்

பலரது சாபம் என்மேல்

என் சாயல் பலர் மேல்

காயங்கள் என் மேல் 

பாவம் யார் மேல்

இடா இடம்

 உங்களிடத்தில் எனக்கு

இடம் தராதபோது

என்னிடத்தில் உங்களுக்கு

இடமில்லை

முடங்க முன்னேற்றம்

 மதத்தை காரணம் காட்டியோ 

இனத்தை காரணம் காட்டியோ

மொழியை காரணம் காட்டியோ

நாம் முடங்கிவிட கூடாது

முழுமையாக முடியாது

முன்னேற முடியாது

காலம் காத்திருப்பு

 அன்பென 

பொழிந்தேன் உனக்காக

காதலென

கசிந்தேன் உனக்காக

கானலென

காத்திருக்கிறேன் யாருக்காக ?

அறுவடை காலம்

 பூத்தது காய்த்தது 

காய்த்தது கனிந்தது

கைகள் பறித்தது

இதழ்கள் சுவைத்தது

இனிமை பிறந்தது

காணா நாள்

 என்னை கடந்த மனிதர்கள்

என் சொல் கேட்டவர்கள்

என்னை தொட்டவர்கள்

என்னை பகைத்தவர்கள்

ஓர் நாள் எனக்காக

கண்ணீருடன் ஒன்று கூடுவார்கள்

என்னை இறுதியாக வழியனுப்ப

தமிழ் வெற்றி

 விவேகமும் நமதே

வீரமும் நமதே

வெற்றியும் நமதே

செயல் பிள்ளை பாட்டு

குயில் போல பாடனும் 

மயில் போல ஆடனும் 

கழுகை போல பார்க்கனும் (பறக்கனும்)

ஆந்தை போல பறக்கனும்  (பார்க்கனும்)

மீன் போல நீந்தனும்

குதிரை போல குதிக்கனும் 

சிறுத்தை போல ஓடனும் 

புலி போல பாயனும் (வேட்டையாடனும்)

நரி போல சிந்திக்கனும்

சிங்கத்தை போல வாழனும் 

தனிமை தோழன்

தனியாக இருக்கும் உள்ளங்களுக்கு

இந்த தனிமையின் அரவணைப்பு

தொடரும் இறுதிவரை

தோழனாக

புன்னகையுடன்

காட்டு விதியில் குணமேது

 நல்லவன் என்றாலும்

நரிகள் விடாது

நாலு பக்கமும் பார்த்து

நாசுக்காக வரும் நரிகளின்

நாடி துடிப்பை நிறுத்த வேண்டும்

இது

நாடு அல்ல நரிகளின் காடு

+++++++

காட்டு விதியில் குணமேது

பாதுகாப்பாய் பதுங்கி இரு

பசித்தால் வேட்டையாடு 

பாய்வதை புசித்து உண்ணு 

வலியது வெல்லும்

ஆயிரம் ஆட்சி

 ஆயிரம் ஆண்டு கால

அடிமை தனத்தை உடைக்க

வந்திருக்கிறேன்

ஆசைக்கு அடிபணிய மாட்டேன்

ஆணவத்தை விட்டுவைக்க மாட்டேன்

ஆட்டிபடைப்பேன்

ஆட்சிகள் செய்வேன்

வெல்லும் வேங்கை

 வெயில் தொட்ட தேகம்

வேஷமிடா குணம்

வேதனைகள் தாண்டி

பாய காத்திருக்கும் மனம்

இது வெல்லும் வேங்கை

கட்டுக்குள் வை

 துன்பத்தை காட்டு 

துடைத்து விடுகிறேன்

கோபத்தை காட்டு 

வாங்கிக்கொள்கிறேன்

புறக்கணிப்பை காட்டு

தாங்கிக்கொள்கிறேன்

துரோகத்தை மட்டும் காட்டாதே 

தும்சம் செய்துவிடுவேன்.

சோம்பல் மனம் போக

 குளிர்ந்த நீரில் குளி

அன்பானவர்களை சந்தித்து மகிழ்

புதிய இடங்களை பார்

மிகை சிந்தனை கொள்ளாதே 

சிந்தனைகளை படைப்பாக்கு 

சாதனைகளை உருவாக்கு

என் மதிப்பு

 என்னை யாரும் 

நேசிக்கவும் வேண்டாம்

அங்கீகரிக்கவும்  வேண்டாம் 

என்னை நானே

நேசித்து அங்கீகரித்து கொள்கிறேன் 

இம் மொழி

 வர்த்தகத்திற்கு உருவாக்கப்பட்ட மொழி

ஹிந்தி

ஆன்மீகத்துக்கு உருவாக்கப்பட்ட மொழி

சம்ஸ்கிருதம்

அனைத்திற்கும் உயிர் மொழி

தமிழ்

ஓர் இறை வேதம்

 ஒன்றே ஒன்று

தொடக்கம் ஒன்று

தொடர்பில் ஒன்று

அதில் பெருக்கல் ஒன்று

அண்டசராசாரம் அனைத்தும் ஒன்று

நாம் ஒன்று 

நம்முள் இறை ஒன்று

நம் இயக்கம் ஒன்று 

மகிழ்ச்சியை விதை

 என்/உன் மனதில் 

கவலைகளை விதைத்துவிட்டு

மகிழ்ச்சியை நீ அறுவடை

செய்யலாகாது

மகிழ்ச்சியை விதை

அமைதியை விதை

புராண கட்டுக்கதைகள்

 புராணங்களை புறம் தள்ளு

கல்வி கற்று கொள்ளு

காசை ஈட்டி கொள்ளு

காலம் யாருக்கும் காத்திராது

புரிந்து கொள்ளு 

பலர் பொருள்

 எழுதுகோல்

பொருள் ஒன்று தான்

ஆனால் அதை இயக்கும்

நபரை பொறுத்து

பொருள் மாறுபடுகிறது

கடமையல்ல காதல்

 காதல் என்பது கடமையல்ல 

காலில் தொடங்கி கண்கள் வரை

கரையும் உணர்வு

சமூகநீதி கட்டமைப்பு

 மனித நேயத்திற்கு 

தடை போடும்

மடைகளை உடை

படை இன்றி

சண்டை இல்லா

விடை இதுவே

கொடை நேசதிற்க்கு

உன்னுடன் நான்

 உன் அகமாக நான் இருக்க

என் முகமாக நீ இரு

உன் குரலாக நான் ஒலிக்க 

என் எண்ணமாக நீ இரு

உன் பாதையாக நான் இருக்க

என் பார்வையாக நீ இரு

பட்டாம்பூச்சி விளைவு

 பூவுக்குள் புவியுள்ளது 

அகத்துகுள் அண்டமுள்ளது

ஆற்றல் அதில் உள்ளது

அணுக்கள் ஆள்கிறது

அகிலமும் அதில் அடங்குகிறது

தொடர் தொடர்புகள் (தொடர்கிறது) 

(இதில் உள்ளது)

புதிய கதை

 நிமிடத்திற்கு 

புது கதை சொல்வேனே 

தவிர 

புதிதாக கதைவிட மாட்டேன்

முன்பே தெரியாது

 வயது ஆக ஆக தான்

விளங்கும்

நமக்கு கிடைக்காமல் போன

வாய்ப்புகள் எல்லாம்

வரமென்று

அறும் அடிமை

 கெஞ்சுவதை அஞ்சுவதை நிறுத்து

வதைகள் பட்டாலும் 

கதைகள் சுட்டாலும்

பஞ்சு போல போசுங்காதே 

நஞ்சே உண்டாலும்

நெஞ்சுரம் கொள்

நீ யாருக்கும் அடிமை இல்லையென 

பைத்தியக்காரத்தனமான காதல்

 இந்த காதல் படுத்தும் பாடு

பித்து நிலையை கடந்ததாக உள்ளது

காத்திருந்து காத்திருந்து

காதில் ரத்தம் வருகிறது 

மூளை நரம்புகள் வெடித்து

முடியுமா மவுனம் என்று

ஏங்குகிறது இதயம்

காதல் நிலைகள்

 புற காதல் தோற்றுப்போகும்

அக காதல் அழியாது

புற காதலுடன் முடிந்த உறவுகள்

அக காதல் தொடங்கியதும்

புறத்தில் அன்பாய் சங்கமிக்கும்

பகை பொருள்

 பிள்ளைகளுக்கு சொத்தாக

பொருள் சேர்க்காவிட்டாலும்

பகை சேர்த்துவிட்டு செல்லாதீர்கள்