உறவு சொற்கள்

சார் மேடம்
என்னும் வார்த்தைக்குள்
சறுக்கியது
அய்யா அம்மா
அண்ணா தம்பி
அக்கா தங்கை பாப்பா
உறவுச் சொற்கள்

புகழே ஒழிக

மேதகு மாண்புமிகு
மகாத்மா பொன்மனச்செல்வ
புரட்சி திலக
புகழ் வார்த்தைகள் ஒழிக

பனி வேர்வை

பனிக்காற்றின் போதை
உஸ்னமாய் உயிரில் ஊடுருவி
மோக தணலாய் கொதித்து
காம நிலைகளில்
தேகமெங்கும் வேர்வையாய் வழிகிறது

புது சிந்தனைகள்

மாற்றி சிந்திக்க தொடங்கும் போதுதான்
புது சிந்தனைகள் பிறக்கிறது
புதிய சிந்தனைகளில் இருந்து தான்
மாற்றங்கள் பிறக்கிறது

விடுமுறை வாழ்வு 2

சனி ஞாயிறுகளிலும்
பண்டிகை காலங்களிலும்
கிடைக்கும் விடுமுறையை நம்பியே
பலர் மகிழ்ச்சியாக வாழ்ந்து வருகிறார்கள்
இன்னும் சொல்லப்போனால்
வாழ்கையையே தவணை முறையில்
விடுமுறைகளில் தான் வாழ்ந்து பழகுகிறார்கள்

தக்கிடதிமி தா

தான தக்கிடதிமி தாளம்
வாழ்வே தறிகெட்ட ஓலம்
தான தக்கிடதிமி கானம்
சுரமே இசைத்திடும்
சுருதி சேரா பாடல்
தான தக்கிடதிமிதா
தான நானா தக்கிடதிமி தா

புலம்பல்

புலம்பல் கூடப் பழக்கம் தான்
பழகிகொள்லாமல் இருக்க பழகுங்கள்
மாறாக
நன்றிகளையும் பாராட்டுகளையும்
பிறருக்கு தெரிவித்து பழகுங்கள்

மீண்டும் தொடர்கிறாள்

அவளது படிமங்களை
நான் அழித்துவிட்டேன்
என் நினைவுகளை
அவள் ஏன் இன்னும் விட மறுக்கிறாள்
அது என் மனதினில் மீண்டும்
கோலம் வரையப் பார்க்கிறது

வாய் வம்பு

உன் வாய் (இதழ்கள்) மட்டும் போதும்
முத்த வம்புகள் செய்து பார்க்க
வார்த்தைகள் வேண்டாம்

அன்பே தழைக்கும்

அழகு அழியும்            |     அழகும் அழியும்
ஆணவம் அழியும்     |     ஆணவமும் அழியும்
அகந்தை அழியும்     |     அகந்தையும் அழியும்
அதிகாரம் அழியும்   |     அதிகாரமும் அழியும்
அன்பே தழைக்கும்  |     அன்பே தழைக்கும் 

வாய்ப்பு

இது தான் என் முதல் வாய்ப்பு
என் வெற்றிக்கான முதல் படி
இதற்காகத் தான் இத்தனை ஆண்டுகள் காத்து இருந்தேன்
அது இறுதியாக இன்று கை கூடி இருக்கிறது
இதை இதைத்தான் எதிர்ப்பார்த்து இருந்தேன்
இந்த வாய்ப்பு கடும் உழைப்பின் பலன்
இதோ இதுதான் அந்த வாய்ப்பு

கார்பன் வாழ்க்கை

கார்பன் தாள் (பேப்பர்)
வாழ்க்கை வாழாதே
சாயம் வெளுத்ததும்
தூக்கி எறியப்படுவாய்

கறுப்பு வாழ்கையில்

கடைசில என்கிட்டே கறுப்புப்பணமும் இல்லை
கறுப்புத் தங்கமும் இல்லை ..
வாழ்க்கை மட்டும் கறுப்பா இருக்கு
கறுப்பு வாழ்கையில்

பங்கு சந்தை

ஷேர் மார்க்கெட்டே ஒரு சூதாட்டம் போலத்தான்
அறிவும் அதிர்ஷ்டமும் கலந்தது

(ஷேர் மார்க்கெட்டே - பங்கு சந்தையே)

------------------------------------
பங்கு சந்தையில் பங்குமில்லை
பங்கத்தில் பங்குபோடவும் யாருமில்லை

கதை காதல்கள்

சற்றுமுன் முடிந்த காதல் கதைகள்
வேண்டுமா அல்லது இன்னும்
சற்று நேரத்தில் தொடங்க இருக்கும் புது காதல் கதைகள் வேண்டுமா.
இப்படி இந்த காதல் உலகிலே எத்தனையோ காதல் கதைகளை கடந்து வந்துவிட்டேன் .

துணிவு

உன் துணிவை யாரும் இங்கு அடக்கவில்லை,
நீ தான் துளியும் துணியாமல் இருக்கிறாய்
--------------------------------------------------------------

வெற்றியை தேடுகிறாய் ஆனால் அதற்காக
துளியும் துணியாமல் இருக்கிறாய்