ஒரே நிகழ்வு

நம்மை நாடிய ஒவ்வொரு உள்ளத்தையும்
ஒன்றிணைக்கிற ஒரே நிகழ்வு நம்
மரணம் மட்டுமே

நாகரிக அநீதி

நெஞ்சில் உள்ள மிருகம் அடங்கி
பண்பட இந்த சமுகம் இடம் கொடுத்தால்
அதை நாகரிகமாக அநீதி என்பேன்

தொடரும் சாதி

யோனியில் தொடங்கிய பிறப்புரிமை (என்னும்) சாதி
பாடையுடன் படுகுழி அடைந்த பின்பும்
திதியாக தலைமுறைகள் தொடர்கிறது

கவிதை இரவு

விடியாத இரவும் நிலவும்
முடியாத பணியும் பொழுதும்
தொடரும் தினமும்
படரும் மனமும்
பணிந்தேன்
கரைந்தேன்
விழுந்தேன்
மகிழ்ந்தேன்
கவிதைகளில்

சொங்கி வீரம்

வீர மங்கையை தேடுகிறேன்
ஆனால் எல்லாம் சந்தர்ப்பவாத
சொங்கி மங்கைகளாகவே தென்படுகிறார்கள்
நிதர்சனம்

அழியாத உரையாடல்கள்

மனப்பாடமாய் நிகழும் உரையாடல்கள்
தினம் தினம் நினைவினில் நிகழும் நிகழ்வுகள்
அழகான அழியாத நினைவுகள்

நாணிய மலர்

விழிகளால் வருடிய பின்பு
மயில் தொகையன விரிந்து
மலர்ந்திடுவாய் என்றிருந்தேன்
மாறாக நாணி கால் விரல்களால்
மலர் புள்ளி கோலம் வரைகிறாய்

எனக்கென கவிதை

எனக்கென ஒரு கவிதை எழுத முயல்கிறேன்
வாழ்வின் பிழை தடைகளாக பெருகுவாதால்
எழுத தொடங்கிய இடத்திலே நிற்கிறேன்

------------------------------------------
எங்கோ எனக்கோர் கவிதை
யாரோ எழுதி இரசிக்கின்றார்
அங்கோ எனக்கொரு தனிமனிதன்
மொழியால் என்னை காண்கின்றான்
-------------------------------------------

நிஜமன உலகம்

இருக்கிற ஒரு மனதோ
கனவு நிலையில்
மிதமாய் மதமாய்
எங்கெங்கோ பயணிக்கிறது
தன்னை சுமந்து நிற்கும்
உடலை நிஜ உலகில்
தனிமையில் விட்டுவிட்டு