திசை அறியா பயணம்

துடுப்பு இல்லாத படகு
காற்று வீசும் திசைகளில்
அலைகளோடு பயணப்படுகிறது .
காற்றின் திசையில்
கரை வந்தால் சரி இல்லையேல்
காணாமல் போகும் கடல் திசையில்

கவிதையின் தவம்

திறக்காத புத்தகத்தில்
யாரும் படிக்காத கவிதை ஒன்று
இதழ் விரித்து
முதல் முத்தத்துக்காக
தவமாய் காத்து கிடக்கிறது

கனவை கரைத்தல்

 கனவு காண்பதை கலைத்தால் போதும்
அதுவே விழிப்பில் கரைந்து அஸ்தியாகிவிடும்

சில சொந்தம்

கனவுகள் எனக்கு மட்டுமே  சொந்தம்
கருத்துக்கள் உங்களுக்கு (பொதுமக்களுக்கு) மட்டுமே சொந்தம்
கொள்கைகள் கட்சிகளுக்கு மட்டுமே சொந்தம்
கொள்ளையில் வரும் லாபங்கள் அதிகாரம் படைத்தவர்களுக்கு மட்டுமே சொந்தம்

ஆண்கள் தினம்

இது ஒரு வழக்காமான நாள் தான் எங்களுக்கு
ஆனால் அக்கா தங்கைகள் தோழிகள் காதலிகள்
இந்த நாளை சிறப்பித்து வாழ்த்தும்போதுதான் தெரிகிறது
இன்று ஆண்கள் தினமென்று.
மாறாக
எங்களை நாங்களே வாழ்த்திக்கொள்வதில்லை
எங்களுக்கு
இன்று வெறும் 19 நவம்பர் 2016 அவ்வளவுதான்.

நீட்சியீன் நாயகன்

நீங்கள் என்னை நிராகரித்தீர்கள்
நான் நீர்த்துபோகவில்லை
நிந்தைகளை கடந்து
நீந்தி வந்திருக்கிறேன்

நித்திரைகளை தொலைத்து
நிம்மதியான வாழ்வை
நித்தம் தர வந்திருக்கிறேன்
நீட்சியீன் நாயகனாக

மறு உலகம்

தூக்கம் வருகிறது
கண்களை மூடவே பயமாக இருக்கிறது
எங்கே கனவு உலகம் விழித்துகொள்ளுமோ என்று

=======================================
தூக்கம் வருகிறது

கண்களை மூடினால் கனவு உலகம் விழித்துகொள்ளுமோ

என்று மிகவும் பயமாக இருக்கிறது

பக்குவமான பாதை

எனக்கான பாதையே என் முன்னே கிடையாது
மிகுந்த சிரமத்துக்கு கிடையே
நான் தான் அதை உருவாக்குகிறேன்
அந்த பக்குவமான பாதையில் நீங்களும்
என்னை நம்பி பின் தொடரலாம்  (பயணிக்கலாம்)
அதில் இடர்கள் கிடையாது

நமக்கு ஏன் வம்பு

நமக்கு ஏன் வம்பு
என்று நீ ஒதுங்குமிடத்தில் தான்
உனக்கான துன்பம் கருதரிக்கிறது
அது சமுகத்தில் பிறந்து வளர்ந்து
நடை பயின்று
உன் வாசல் வரும்
அப்போது உணர்வாய்

அந்த அன்றைய                                                      (அன்றைய அந்த
நமக்கு ஏன் வம்பு                                                        நமக்கு ஏன் வம்பு
அது நமக்கான வம்பு என்று                                அது நமக்கான வம்பு என்று)
-------------------------------------

கறுப்புப்பண கப்பல்

கரைகளில்
கலங்கரை விளக்கங்கள்
இருக்கும் வரை
கறுப்புப்பண கப்பல்கள்
தரை தட்டாது

வெளியில் மனிதநேயம்

மதமும் மார்க்கமும் மனதோடு இருக்கட்டும்
மனிதநேயம் பொது வெளியில் இருக்கட்டும் .

கள்ள பணம்

கள்ளநோட்டும் ஒழியலை
கருப்பு பணமும் ஒழியலை
கை செலவுக்கு வைத்திருந்த பணம் தான் ஒழிந்தது.

உங்கள் வட்டம்

உங்களுக்கு உங்கள் வட்டம் மட்டும் தான் பழக்கம் .
பழகிய வட்டமாக இருந்தாலும்
ஒருமுறை அதனை விட்டு வெளியே வந்து பாருங்கள் ..
உங்கள் வட்டம்
இவ்உலகில் எவ்வளவு சிறியது என்று தெரியும்.

கருத்துரிமை

கருத்துக்கு கம்பிகள் தடை இல்லை - கருத்துரிமை சட்டத்தில்

கைமாத்து

இன்றுமுதல்
செல்லாத 500,1000 ரூபாய்களை
கைமாத்த
வழி இல்லாமல்
100 ருபாய்
கைமாத்து வாங்க
வட்டிக்குவிடும்
நபர்களை  தேடுகிறேன்

என்னை எண்ணுகிறேன்

என்னைப்பற்றி தெரிந்துகொள்ள ஒன்றுமில்லை
என்மேல் என்னையன்றி வேறொன்றுமில்லை
என்னை எண்ணம்போலவே செதுக்கி இருக்கிறேன்

காலம் கடத்துகிறேன்

உதறி தள்ளுவதை போல் ஒரு நாளை தள்ளுகிறேன்
உடை மாற்றுவதை போல் ஒரு வாரத்தை மாற்றுகிறேன்
உறங்கி விழிப்பதை போல் ஒரு மாதத்தை கடத்துகிறேன்
ஊருக்காய் போடுவதை போல் ஒரு வருடத்தை போக்குகிறேன்

மவுன ராகம்

பாடல்களில் இது தலை கானம் (தான்)
தனிமையில் பாடும் ஒரு ராகம் (தான்)
தாளங்களில் அது மவுன ராகம் (தான்)

வாய்பூட்டு

வேண்டாத வம்பு தும்புகளை தவிர்க்க
வசவுகளை வசை வீசாமல் தவிர்க்க

வேண்டும் வாய்க்கு ஒரு பூட்டு

மகிழ்ச்சியின் விலை

ஒவ்வொரு மகிழ்ச்சிக்கும் ஒரு விலை இருக்கிறது ..
விலை இல்லா மகிழ்ச்சியும் இருக்கிறது
அது நம் தனிமையில் மட்டும் தான் இருக்கிறது