கன்னிக் காளையர்

கன்னியின் கண்ணி கண்களில் விழுந்தேன்
காதலில் காலம் கழித்து காணாமல் போனேன்

புரட்சி பதவிகள்

புரட்சி தலைவர்
புரட்சி கலைஞர்
புரட்சி நாயகன்
புரட்சி கவிஞன்
எல்லோரும் உங்கள் வீட்டு வாசல் கதவை இழுத்து மூடிக்கொள்ளவும்
உண்மையான புரட்சி வருகிறது
உங்களுடைய போலி புரட்சி பதவிகளை பறித்து செல்ல

போராட்ட பக்கங்கள்

போராட்டத்தின் அடுத்த பக்கத்தில்

என்ன படிக்கபோகிறோம் என்று முன்பே யாருக்கும் தெரியாது

அடுத்த பக்கத்தை புரட்டும் வரை .

--------------------------------------------------------------------------

போராட்டத்தின் அடுத்த பக்கத்தில்/கட்டத்தில்

என்ன சாதிக்கபோகிறோம் என்று முன்பே யாருக்கும் தெரியாது

அடுத்த சாதனைகள் படைக்கும் வரை

தலைகனம் கனம்

கனம் தலைக்கு ஏறினால்
அது தலைகனம்
தலை கனத்தின் மீது ஏறினால்
அது கனத்தலை

வயல் பலி

வானம் பார்த்த பூமி

வறண்டு போன வாய்க்கால்கள்

வாடிய வயல்வெளி

வதங்கிய மனம்

வதைத்தது தன் உயிர் பலி 

ஒற்றுமையுடன் வாழலாம்

கன்னியும் வாழலாம்
காளையும் வாழலாம்
கருத்தொற்றுமையுடன்

ஒன்னுக்கு விலை

நவீன கழிப்பிடத்தில்
சிறுநீர் கழிக்கும் உரிமையின் விலை
ஐந்து ரூபாய்

கலாச்சாரம்

தலைமுறை தலைமுறையாக
கைவிடாமல் பழகிவரும்
ஒரேமாதுரியான
பழக்க வழக்கங்களுக்கு
கலாச்சாரம் என்று பெயர்

ஓர் இரவு கூத்து (One Night Stand)

கண்டவுடன் காதல் வடிந்து
காதல் காமத்தில் சல்லாபம் கொண்டு
இரவில் உடலுறவில் தொடர்ந்து
விடிந்ததும் உறவை அறுத்துக்கொண்டு
பின் எந்த கூற்றுமின்றி
பிரிந்து பறந்து வெவ்வேறு திசைகளில் பயணிப்பதே
ஓர் இரவு கூத்து

போகி கழிதல்

வர்ணஜால விடியல்
பனிமூட்டம் அழுத்திய
கரும்புகைக்குள்
மூச்சை பிடித்துகொண்டு
பயணிக்கிறது மனம்
போகியுடன்
மார்கழி கழிந்ததென்று  (முடிந்தது என்று)

அணுகும் தனிமை

யாரும் என்னை அணுகுவதில்லை
நானும் யாரையும் அணுகுவதில்லை
இவ்வாறு அணுகாத வாழ்வு
அணுவாய் சுருங்குகிறது
தனிமையில்

வரலாற்று சாலைகள்

வால் டக்ஸ் சாலை
அவென்யூ சாலை

குண்டு சாலை

கோட்டை சாலை
மறந்துபோன வரலாற்றிற்கு
நம்மை கொண்டு சொல்லும் சாலைகள்

தடமான வாரலாறு

தற்போதைய தமிழ்நாட்டில்
கஞ்சி தொட்டிகளும்
வண்டி கேட்களும்
சாவடிகளும்
வெறும் பேருந்து நிறுத்தங்கள் மட்டுமல்ல
தடமான ஒரு வரலாற்று அடையாளங்கள்

கட்டுக்குள் வாழு

இங்கு எல்லாமே கணக்கில் உண்டு
அந்த கணக்குகளை ஒருநாள் ஒப்புவிக்க வேண்டும்
என்கிற பயம் இருந்தாலே துரோகங்கள் குறையும்
மன்னிப்புகள் பெருகும்.
உண்மைகளுக்கும் கொஞ்சம் இடமிருக்கும்

காலத்தின் கட்டாயம்

இவனுக்கு இவள் தான் என்றால்
யார் தான் அதை தடுக்க முடியும்
அப்படியே தடுத்தாலும்
அது நடந்தே தீரும்
அதுவே காலத்தின் கட்டாயம்

மனம் வீசு முல்லையே

உன்னை நினைக்காத நாள் இல்லையே
விழியால் நீ தொடுத்த கணைகள்
என்னை கிழிக்காத வேளைகள் ஏதடி.

உன் கைகள் எனை வருடாத நியாயம் ஏன்னடி
தகித்தேனே பூ முல்லையே
மனம் வீச மறுப்பது ஏன்னடி

புத்தாண்டு வாழ்த்துகள்

வானில் வீசி எறியப்பட்ட
வண்ணமயமான ஒளி கீற்றுகள்
சிதறி வீசிய வண்ண
ஒளியில் ஒலித்தது
புத்தாண்டு வாழ்த்துகள்