ஆயிரத்தில் ஒரு இரவு

யார் அவள் ?
ஆயிரம் இரவுகளில் அவள் ஒருத்தி
யாருக்கு தெரியும்
அதில் எந்த இரவு அவளுக்கு சொந்தமென்று
இருந்தபோதும்
ஆயிரத்தில் ஒரு இரவு
அவளுக்குகென சொந்தமானது
அந்த ஓர் இரவு .
அது ஆயிரத்தில் ஒரு இரவு .

வாழ்வின் வழி

வாழவே வழி இல்லாத போதும்
வாழ்வதை போல் நடித்து கொண்டிருக்கிறோம்
வாழ்வின் வலிகளை சுமந்துகொண்டு

தனி கருத்து

அபத்தமாக நியமான
என் தனி கருத்தை கொண்டு
நான்  மட்டும்  தனியாக
கம்பு  சுத்துகிறேன்
யாரும்  எனக்கு  எதிராக
வாள்வீசாத போது

மாறும் நிலைகள்

ஒரு நிலையில் இருக்கும்போதே
அந்த நிலை  குறித்து
பதிவு செய்துவிடுகிறோம்
பிறகு
வேறு நிலைக்கு  சென்ற  பின்
முன்பு  பதிவு  செய்த  நிலையை
அந்த நிலையில் இருந்து பார்க்கும்போது
மிகவும்  வேடிக்கையாவும்
அபத்தமாகவும்  தெரிகிறது

என்றும் மாற்ற விரும்பாத நிலைகளும் உண்டு

என்றும் மாறாத நிலைகளும் உண்டு

என்றும் மாற்ற முடியாத நிலைகளும் உண்டு

மாறும் நிலைகளில்

செடிவெடி

செடிவெடி
வெடிக்கு பதில் செடி
மாசுக்கு பதில் தூய காற்று
சத்தமில்லா
மாசு இல்லா
தீப ஒளியை
கொண்டாடுங்கள்

தேடல் மனது

உண்மையில் ஒருவகை உற்சாகமும் வெகுளித்தனமும் இருக்கும்
பொய்களில் ஒருவகை நிதானமும் படபடப்பும் இருக்கும்
எதுவாகிலும்
அதனை பொறுமையுடன்
கேட்டறிகிற மனதினில்
எதோ  ஒருவகை தேடலிருக்கும்

அழகுகளை தேடுகிறோம்

சில அழகுகளை
தூரத்தில் இருந்து பார்த்து
இரசிக்க மட்டும்தான்  முடிகிறது
பல அழகுகளை பார்க்க கூட முடிவதில்லை
அழகுகளை மட்டுமே தேடும் உலகில்
எவ்வளவு வஞ்சகமான வாழ்வியல் முறை இது

மதம் கொண்ட மனங்கள்.

மதத்துக்கு
மாறாக
மதமல்ல
மார்க்கம்
மதமல்ல
வாழ்வியல் முறை
மதமல்ல
கொள்கை கோட்பாடுகளை பின்பற்றுதல்
என்கிறது
மதம்
கொண்ட
மனம்  
(மனங்கள்)

மஞ்சள் மலரே

கூந்தலில் ஏறி நிற்கும் சாமந்தியும்
நெற்றியில் இட்ட சந்தனமும்
தோள்களில் வசிக்கும் ஜவ்வாதும்
மார்புகளில் தவழ்ந்தாடும் மஞ்சளும்
மாறனை கவர்ந்திழுகிறது
மதிமயங்குகிறேன்
மஞ்சள் மலரே

சோதனைகளை சோதித்தவன்

இளமையில்
வறுமையை அள்ளி பூசி
உறவையும்
நட்பையும்
காதலையும்
காமத்தையும் துறந்து
வாழ்வது சாபம்
வாழ்வில்  ஒருமுறைதான்
இதை பரிசோதிக்கமுடியும்
அவைகள் என்னை சோதிக்க
இளமையுடன் சேர்த்து
அதையும் கடந்துவிட்டேன்
இனி மீதம்
என்ன இருக்கு
என்னை  சோதிக்க .

தெரியாத சங்கதிகள்

தெரிந்த  சங்கதிகளே
பிசிர் தட்டும் போது
தெரியாத  சங்கத்திகளை
நான்  எப்படி  பாடுவது
பல்லவிகள் சரணத்தில்
பரியாசம் செய்து
பல்லிக்குமல்லவா

இறவா இளமை

இளம்வயதிலே இறப்பவர்கள்
நம்மிடையே
இளமையான நினைவுகளை
விட்டு சென்றுவிடுகிறார்கள்
என்றும் மாறாத
இளமையான தோற்றத்திலே 

(முதுமை என்பதே அவர்களுக்கு கிடையாது)

மாய மங்கை மாயை

மாய உலகம்
மங்கை வடிவில் வந்து
என் மானுடத்தை சோதிக்கிறது
மார்கழியும் தீப்போல் சுடுகிறது
மாங்கனிகளும் மாராப்பால் மூடி ஓடி ஒளிகிறது
மாசில்லாத மனம் இது என்பதால்
மாயைகளுக்கு மதிமயங்காமல் அந்த
மாயையையே மதிமயங்க செய்துவிடுகிறது

சந்தித்த முத்தங்கள்

குறுந்தகவல்களில்
அவள் கொடுத்து அனுப்பிய முத்தங்கள்
போதவில்லை
பிறகு தொலைபேசி அழைப்புகளில்
கொடுக்கத் தொடங்கினாள்
கொஞ்ச நாள் கழித்து
முதல் முறையாக
நேரில் சந்தித்த போது
கொடுக்கத் தயங்கினாள்
ஏன் என்னை பிடிக்கவில்லையா என்றேன்
மாறாக அவளும் அதே கேள்வியை கேட்டாள்
மாற்றி கொண்டோம்
கொடுக்க காத்திருந்த
முத்தங்களை

தேவை இல்லாத தேடல்

எது எல்லாம் நமக்கு தேவைப்படுமென்று
பார்த்து பார்த்து சேர்த்து வைக்கிறோமோ
அவை எல்லாம்
ஒரு காலத்துக்குமேல்
நமக்கு  தேவையில்லாமல்
போய்விடுகிறது

முன்னாள் காதலன்

அவள்
ஆளை மாற்றி  சென்றாலும்
அவனை  மறந்து  செல்ல  முடியாது

அதுபோல் அவனும் காத்திருப்பான்
ஆகவே  எப்போது வேண்டுமென்றாலும்
அந்த  பெண்
அவனுடனான உறவை புதுபித்து  கொள்ள  முடியும்.
அதற்க்கான  வாசல்  கதவை
அவன்  எப்போதும்  திறந்து  வைத்திருப்பான்
அவனே உண்மையான முன்னாள்  காதலன்

யுகம் கடந்த பெண்

தான் விரும்பிய
ஒரு பெண்ணை மறக்க
ஒரு வருடம் போதுமா ?
அல்லவே
ஒரு யுகம் போதாது
அவன் பிணத்தை
மண் தின்ற போதிலும்
அவன் நினைவுகள்
அவளை சுற்றியே
காற்றாக               (ஆவியாக)
வலம் வரும்

ஆணவ காதல்

ஆள் தெரிந்து காதலிப்பது
ஆளத் தெரிந்தவர்களை காதலிப்பது
ஆழம் பார்த்து காதலிப்பது
ஆஸ்தி இழந்தால்
ஆளை மாற்றி காதலிப்பது
ஆள் பார்த்து
ஆழம் பார்த்து
ஆளை மாற்றி
கர்வத்தோடு
காழ்புணர்ச்சியோடு
பொறாமை
பேராசையோடு
காதலிப்பது
ஆணவ காதல்

நல்லவன் கெட்டவன்

உள்ளுக்குள்ளே கெட்டவனாகவும்
வெளியே நல்லவனாகவும்
நடிப்பது
ஏமாற்றுபவர்களின்
பொழப்பு (பிழைப்பு)
வெளியே கெட்டவனாகவும்
உள்ளுக்குள்ளே நல்லவனாகவும்
இருப்பது
விட்டுக்கொடுப்பவர்களின்
நடிப்பு
உள்ளேயும் வெளியேயும்
நல்லவர்களாக
இருப்பது
உண்மையானவர்களின்
சிறப்பு

பழகியதே

பாராட்டுகளும் பரிவட்டங்களும்

புதிதல்ல

பூரிப்புகளும் புகழ்ச்சிகளும்

புதிதல்ல

பழகியவர்கள் பகையானதும் 

புதிதல்ல

பகையானவர்கள் பழகியதும்

புதிதல்ல

புதிதாக புது உணர்வுகளை 

பழகிக் பார்க்க இனி ஏதுமில்லை

எல்லாம் பழகியதே

என்னை வைத்தேன்

இல்லாத பிள்ளைக்கு பெயர் வைத்தேன்
காதல் சொல்லாத காதலிக்கு சிலை வைத்தேன்

உடன் வாராத உறவுக்கு உள்ளம் வைத்தேன்
நன் நாடாத நட்புக்கு படையல் வைத்தேன்

அரும்பாத மனதிற்கு விலை வைத்தேன்
கடல் சேராத ஆற்றிற்கு கண்ணிர் வைத்தேன்

மண் போகாத கனவுகளுக்கு காதல் வைத்தேன்
விண் போகாத உடலுக்கு மாலை வைத்தேன்

மானுடமே

பிறப்பிலும் இறப்பிலும்
வேற்றுமையில்லை
மானுடமே

இங்கே
உயர்ந்தவனுமில்லை
தாழ்ந்தவனுமில்லை
மானுடமே

வேற்றுமை துறந்து
ஒற்றுமை தழைத்திட செய்திடு      ( தழைக்கட்டும்)
மானுடமே

இது அதுவாகிலும்

நான் அதுவாக  இருப்பதால்
இதை ஆதரிக்க வேண்டும் என்றில்லை
நான் இதுவாக இருப்பதால்
அதை எதிர்க்க வேண்டும் என்றில்லை

நான் எதுவாக இருந்தாலும்
நியாயத்தின் பக்கம் நின்று
இதை அதை  தயங்காமல்
எதிர்த்தும் ஆதரித்தும்
செல்கிறேன்

கொய்த மலரின் விலை

கொய்மலர்களை
கொய்து கொண்டிருந்தவளிடம்
உன் காதலின் விலை
என்னவென்று கேட்டேன் ?
மலர்கள் கொய்ப்பட்டுவிட்டதால்
காதலுக்கு விலை இல்லை என்றாள்
நறுமணம் கமழ

காதலில் கருணை

கருணையால் காதல்  வரும்
அக் கருணை
ஊடலிலும் வரும்
காமத்திலும் வரும்
ஆனால்
காதலில் கருணை
தேடி திரியாதே
அது
ஆளை கொல்லும்

ஆறுதல் பரிசு

தோற்றவர்களுக்கு
ஊக்க மருந்தாய்
ஆறுதலாய்
தேற்றுவதற்கு
வழங்கப்படும்

வெற்றியை நோக்கிய உந்துதலில்
ஆறாத வடுதான்
அந்த ஆறுதல் பரிசு

பொம்மை விரும்பிகள்

சிறு வயதில்
வெறும் கண்களை
மட்டுமே சிமிட்டும்
பொம்மைகளோடே
விளையாடி பழகியவர்கள்

வளர்ந்த பின்
வாய் பேசாமல்
வெறும் தலையை
மட்டுமே ஆட்டும்
பொம்மையோடே
வழ விரும்புகிறார்கள்

என்னை மறந்துவிடு

என்னை மறக்க
உனக்கு ஒரு யோசனை சொல்கிறேன்
முதலில் என்னை நிந்தித்து விடு
பிறகு என்னை பிரிந்து விடு
நேரம் வரும்போது
என் முதுகில் குத்தி
துரோகத்தால்
என்னை கொன்று விடு

இயல்பில் நிம்மதி

இயல்பை தொலைத்த
இமேஜ் (கௌரவம்) பிடித்த மனிதர்கள் இம்மையில்
இன்னல்கள் நிறைந்தும்
நிம்மதி தொலைத்தும்
இருக்கிறார்கள்

சிந்தித்து மடை போடு

வேகமாய் பாய்ந்துவரும் வெள்ளத்தை
மடை மாற்றுவது
அவ்வளவு எளிதல்ல
மெதுவாய் ஓடிவரும் ஓடையை (ஓடைநீரை)
எளிதில் மடை மாற்றிவிடலாம்

சிந்தித்து  மடை போடுங்கள்

புரியாதப் பேச்சு

நான்கு  நபர்கள்  இருக்கும்
ஒரு  அறையில் பேசுவேன்
ஒருவருக்கும்
நான்  பேசுவது  புரியாது
இன்று
நானூறு அறைகளிடம்
பேசுகிறேன்
அனைத்தும் எதிரொலிக்கிறது
நான்  பேசியதை

அதை கேட்கும் 
எனக்கே ஒன்றும் புரியவில்லை

ஆழ்ந்த நோக்கம்

தூக்கம்  வரும்போது தூங்கிவிடுகிறேன்
விழிப்பு வரும்போது எழுந்துவிடுகிறேன்
இதில்  எந்த  இடையுருமில்லை

என்று மட்டும் நினைக்க வேண்டாம்

தூங்கும் போது
கனவிலும் சிந்தித்து
கொண்டுதான் இருக்கிறேன்

விழித்துக்கொள்ளும் போது
சிந்தித்ததை செயல் படுத்தி
கொண்டுதான் இருக்கிறேன்

என்நேரமும் ஏதோவொரு செயலை
செய்து கொண்டுதான் இருக்கிறேன்

தாயம் நான்

காதாலில்லா கவிஞன் நான்
கால் தடமில்லா கடற்கரை நான்
சோகியில் விழுந்த தாயம் நான்
சோர்வில்லா தென்றல் நான்
ஊடலில்லா கூடலில்லா காமம் நான் (காயம்)

காதல் அற்றவளா ?

நான் அவளை காதலித்தேன் என்பதைவிட
அவள் தான் என்னை காதலித்தால்
என்கிற உண்மையை மட்டும்
எல்லோரும் நம்ப மறுக்கிறார்கள்,
ஏன் அவளுக்கு மட்டும் இந்த சலுகை.
ஏன் அவள் காதல் அற்றவளா ?
இதுவரை யாரையும் காதலித்ததில்லையா ?.

ஆயிரத்தில் ஒருவன்

999 நபர்களை தவிர்த்து ஒருவன் மட்டும் வேறுவிதமாக
திலகமென்று தனித்து தனித்துவமாக தெரிந்தால்
அவனே "ஆயிரத்தில் ஒருவன் "