காதல் கண்கள்

புற கண்களால் பார்த்து காதலித்தவர்கள் தான்,
காதலுக்கு கண்கள் இல்லை என்று சொல்வார்கள்
அக கண்களால் பார்த்து காதலித்தவர்கள்
அப்படி சொல்வதில்லை

கண் பார்வையற்ற காதலர்களை
வியப்புடன் பார்க்கையில்

காதலுக்கு கண்கள் உண்டு
அது உண்மை எனும் உணர்வில் மட்டுமே உண்டு

காதல் வகைகள்

இன்னும் இந்த உலகில்
எத்தனையோ வகை காதல்கள் இருக்கிறது
அதனை சொல்வதற்கு எதோ குறைகிறது
அது வார்த்தைகளோ , எழுத்துகளோ, எண்ணங்களோ, உணர்சிகளோ
என்று எனக்குகே தெரியவில்லை

வேற்றொரு ஒருதலை காதல்

சிலருக்கு மொழியின் மீது காதல்
சிலருக்கு சாதியின் மீது காதல்
சிலருக்கு மதத்தின் மீது காதல்
சிலருக்கு பொருட்களின் மீது காதல்
சிலருக்கு சொத்துகளின் மீது காதல்

மாறாக அவைகள் உங்களை காதலிக்க போவதில்லை என்று தெரிந்தும்.

கொள்கிறிர்கள் ஒருதலையாய் அதன்அதன்மீது காதலை

காதல் கசக்கிறது

காதல் காலம் கடந்தது
அதில் நான் என்னை கடத்துகிறேன்
காலம் கடப்பதை அறியாமல்
அகவே காதல் தட்டுபாட்டை (கட்டுப்பாட்டை)
என்னுள் ஏற்படுத்துகிறேன்
காதல் கசக்கிறது

(இனி காதல் கவிதைகளுக்கு என்னிடம் செயற்கை தட்டுபாட்டை ஏற்படுத்தப்போகிறேன் ....)

ஒருதலை காதல்

ஒருவரோடு ஒருவர்
ஒன்றாமல்
ஒற்றை உள்ளம்
ஓரமாய் ஓசையின்றி ஒளிவுமறைவாக
ஒத்து போகுமோ போகாதோ
என்ற சந்தேகத்தில்
சற்றே ஒதுங்கிய நிலையில்
உள்ளுக்குள் குமுருவதே
ஒருதலை காதல்.
++++++++++++++++++++++++++++++++++++++++++++++++++++++++++++++++

காண வழியுமின்றி
காலம் கொண்டு சென்றவர்களையும்
கைவிட்டு சென்றவர்களையும்
காதலித்து காலம் கரைப்பதும்
ஒருதலை காதல் தான்
++++++++++++++++++++++++++++++++++++++++++++++++++++++++++++++++
தனக்குள் தோன்றிய காதல்
தன்னை ஆட்கொண்டு கையாள்வதால்
தன்னையன்றி வேறு யாரும்
புரிந்துகொள்ளவோ
புறந்தள்ளவோ
முடியாது

=================================================================

காதல் கூட தோற்று போகும்
ஒருதலை காதல் ஒருபோதும்
தோற்று போவதில்லை

காதல் கூட பொய்யாகும்
ஒருதலை காதல் ஒருபோதும்
பொய்யாகாது

பாலினமற்றது பாரபட்சமற்றது

++++++++++++++++++++
(நான்கு கவிதைகள் ஒரே தலைப்பின் கீழ் , ஒன்று சேர்த்தாலும் தகும் அல்லது தனித்தனியாக (ஒருதலையாக) பிரித்தாலும் பொருள் தரும் )
***********************
சிலருக்கு மொழிமீது காதல்
சிலருக்கு சாதியின் மீது காதல்
சிலருக்கு மதத்தின் மீது காதல்
மாறாக அவைகள் உங்களை காதலிக்க போவதில்லை என்று தெரிந்தும்.
கொள்கிறிர்கள் ஒருதலையாய் அதன்அதன்மீது காதலை

நாடக காதல்

சினிமா நடிகை நடிகர்களையே
நினைத்து
காதலிக்க பழகிவிட்டோம்
நிஜவாழ்விலும்
நடிப்பவர்களையே
நம்பி ஏமாந்து போகிறோம்

காதலில் கரைகிறேன்

விழி பார்வைக்கே வழுக்கும் மனசு (தான்)
என்னை பார்த்து சிரித்துவிட்டு சென்ற பின்பும்
காதலில் கரையாமல் திடமாய் நிற்குமோ
காதலில் கரைகிறேன் (வழிகிறேன்)
காதலாய் உன்மேல்

விட்டு சென்றவர்கள்

விட்டு சென்றவர்களுக்கு
எதோ ஒரு கரணம் இருக்கிறது
அதை ஏற்றுகொள்ள முடியாததால்
(நம்மை) வெறுத்து  புறந்தள்ளி இருக்கிறார்கள்

=============================================
                2
விட்டு சென்றவர்களுக்கு
எதோ ஒரு கரணம் இருக்கிறது
அதை ஜீரணித்து ஏற்றுகொள்ள முடியாததால்
(நம்மை) வெறுத்து  புறந்தள்ளி இருக்கிறார்கள்

===============================================
                  3

விட்டு சென்றவர்களுக்கு
எதோ ஒரு கரணம் இருக்கிறது
அதை சகித்துகொள்ள முடியாததால்
(நம்மை) வெறுத்து  புறந்தள்ளி இருக்கிறார்கள்

================================================

கோடை பூக்கள்

வெண்மேக சேலை அணிந்து சுழலும் பூமி
அதன் வழி ஊடுருவும் ஆதவனின் கதிர்
இரவில் நிலவின் ஜொலிப்பு
நீரில் படர்ந்திடும் அதன் பிம்பம்
நட்சத்திர விரிப்பில் ஓடும் விண்மீன்கள்

இரை தேடி திரியும் பறவைகள்
தென்றலில் இசைந்தாடும் சோலைகள்
காய்கள் கனிகள் கொடிகள் மரம் செடிகள்
பூக்கும் பூக்கள்
இவையெல்லாம் கோடையின் வாசங்கள்

நான் நான் டா

நான் நிறம் டா
நான் மொழி டா
நான் சாதி டா
நான் மதம் டா
நான் கடவுள் டா
நான் மனிதன் டா
நான் நான் டா

கண்ணால கவுத்துப்புட்ட

கண்ணை காட்டி
கட்டி இழுத்து
முத்தத்தால் ஒத்தடம் கொடுத்து
மிச்சத்தையும் அள்ளி எடுத்து
உச்சந்தலையில் உள்ளிருந்து கொல்லுறியே
எப்படி வேண்டாமென்று வீசி எறிவேன்
நித்தம் உள்ளிருக்கும் உன்னை

கேள்விகளுக்குள் வாழ்வு

ஒரு நாளில்
ஒரு நளிகையாவது
அவள் எனக்காக ஒதுக்கி இருக்கலாம்
நான் சொல்லவந்ததை அவள் கேட்டு இருக்கலாம்
கேளாததால் கேள்விகளுக்குள்
வாழ்வின் பதில் தேடுகிறாள்

காமாயணம்

இதழ்களை சுவைக்க தொடங்கிய
காமம் விரல்களில் படர்ந்து
முலைகளில் பாய்கிறது விரசமாக
பின்னங்கழுத்தில் முத்தத்தால் தேய்த்து
முழங்களால் முதுகினை அளந்து
அலைந்து திரிந்து ஆழியில்
முடியும்வரை முந்துகிறது
அமுதும் தேனும் வழிந்திட

பழமை புதுமையினுள்

பழைய சங்கலி கருப்பன் தான்
அவனுள்
புதிதாக இன்னொருவன்
பழைய நினைவுகளை திரட்டி
புது அனுபவங்களை கற்று
பழமை மாறாமல் புதுமையாக
வாழ்பவன்

நினைவு நினைவுகள்

எனக்கு ஞாபக மறதி ஜாஸ்த்தி
என் நினைவுக்காக
நினைவில் உள்ளதை வேறு தளங்களில் பதியவைத்துவிடுகிறேன்
என் நினைவிலிருந்து
அந்த நினைவுகளுக்கு முழு விடுதலையும் தந்து விடுகிறேன்
அதை மீண்டும் உங்கள் நினைவுகளில்
அந்த நினைவுகளை
என் நினைவால்
நீங்கள் சிறைபிடித்தால்
அதற்க்கு நான் பொறுப்பு அல்ல

நீங்கா நினைவாகிறாள்

(காதலியாக)
ஏற்க்கனவே நான் உன்னிடம்
விட்டு சென்ற  நினைவுகள் போதவில்லை
அகவே
இன்னும் நிறைய நினைவுகளை
கூட்டி சேர்த்து
உன் நிம்மாதியை மேலும் கெடுத்து
உன்னை வாட்டி வதைக்கவே
மீண்டும் வந்தேன்
(மனைவியாக)

துரோக காரணியமானேன்

எனக்கு நானே துரோகம் செய்துவிட்டேன்
என்னை யார் தண்டிப்பது
என்னை யார் மன்னிப்பது
என்னை நானே குற்றம்சுமத்துகிறேன்
என்னை நானே தண்டிக்கிறேன்
என்னை நானே மன்னித்தும்விடுகிறேன்

சமய சாரம்

முன்பு வைணவத்தாறோடு
பின்பு சைவத்தாறோடு
பாகுபாடுகளற்று
லீலைகள் புரிகிறாள்
வேங்குழல் இசையில்
(என்) பிரிந்தாவன தோட்டத்தில்
சமயம் கடந்து
சமத்துவம் காண்கிறாள்

அன்பு காற்று

காதலுக்கும் அதில் நிறைந்திருக்கும் அன்புக்கும்
எப்படி பெரிதாக வேறுபாடுகள் இல்லையோ
அதுபோல்
காற்றுக்கும் அதன் வழியே ஒலிக்கும் இசைக்கும் பெரிதாக
வேறுபாடுகள் இல்லை

பாராட்டுகள் படும்பாடு

பாடுபடுபவர்கள் பாராட்டுகளை
எதிர்ப்பார்ப்பதில்லை
பாராட்டுகளை எதிர்ப்பார்ப்பவர்கள்
பாடுபடுவதில்லை

கள்ள மனம்

சண்டையிட்டு பிரிந்த பிறகு
காதலிக்கு ஆதரவாக காதல் செய்யும்படி
காதல் உசுப்பேத்த வந்தவளையே
(கரெக்ட் பண்ண) துடிக்கிறது                 (காதலில் கவுக்க துடிக்கிறது)
இந்த கள்ள மனம்.

அபத்தமானவன்

யார் சாயலுமில்லாமல்
நான் தன்னிச்சையாக வளர்ந்து நிற்கிறேன்
முதலில் புரியாத புதிராகவும்
பிறகு புது விதமாகவும்
தோன்றும்

சில நேரங்களில் அபத்தமாகவும் தோன்றும்
பல நேரங்களில் ஆபத்தாகவும் தோன்றும்

விதி தாண்டும் மதி

விதியை தாண்டி போக
வழி தேடுகிறேன்
அதற்காக
என்னை நான்
விளம்பரம் செய்கிறேன்
மதிகேடான் என்று

நித்தம் நான்

இருப்பதும் நான் இறப்பதும் நான்

நான் இறப்பதும் நான் இருப்பதும்

இறப்பில்லாமல் இருப்பதும்

நான்

கழுகின் கருணை

 சென்றமுறை நான் இறந்துகிடந்த போது

என்னை சுற்றிய கழுகுகள்

 இம்முறையும் என்மேல் வட்டமடிக்கிறது

அழுகிய உடலாக இருந்தும்

ஏனோ என் அருகில் வரவில்லை

என்னை கொத்தி கொதறி என் கறியை உண்ணவில்லை

தன் கொள்ளை

கண்டவனும் கொண்டவனும்
கைவிட்டுவிட்டதால்
அவள்
கொள்ளைகொண்டவனோடு
கைகோர்த்துவிட்டாள்

தவறாதே

தவறுகள் நடப்பது இயல்பு
அதை புரிந்துகொண்டு
தவறுகளை தவறாமல்
சரி செய்வது
மாண்பு

நீயாக நானாக

நீ நீயாக இருந்தபடியும், நான் நானாக இருந்தபடியும்
விட்டுக்கொடாமல்
காதல் கொள்ள முயன்றும்
முடியாமல்
பிரிகிறோம்
இனி
நீ நீயாக , நான் நானாக.

காதல் தேடும் ஊடல்

தொட்டாலும் கட்டிக்கொண்டாலும்
கெட்டுப்போவதில்லை
ஊடல்
விட்டாலும் எட்டிநின்றாலும்
விட்டுப்போவதில்லை
காதல்

இரசிக்க தேடுகிறேன்

இதுவரை அவளை நினைத்து
இரசித்த பாடல் வரிகள்
இனி
வேற்றொருவளை நினைத்து
இரசிக்க பயணப்படும்

இந்த இடைப்பட்ட காலத்தில்
வேற்றொருத்தியை
தேடுகிறேன்

பாடலை இரசிக்க

கானல் கண்ணீர்

கடலிலும் கானல் உண்டு
கண்ணீரிலும் கரைகள் உண்டு
கானல்களுக்கு கரைகள் இல்லை
கடல்களுக்கு கண்ணீர் சொந்தமில்லை

கருங்குழலே

(கருங்)குழல் நடுவே வகுடுகள் பாயும்
ஒற்றை சுழி தனில் ஓடி சேரும்
வெண்மலர் இடுக்கினில்
வீழ்ச்சியாய் வழிந்தோடும்
பின்னிய
பின்னல்களை கடந்து
குஞ்சத்தை அடைந்து
இறுதியில் இடை தனில்
இசைந்தாடும்.

தாமரை நிலவே

நிலவில் கொஞ்சம்
அதன்
நிழலில் கொஞ்சம்
நனையும் தாமரை
நீரில் நனையா
இலைகள் நடுவே
நீந்துகிறது
நான் தான் நிலவென்று

கவிதை கனவு

கனவுகளில் அவளை கடந்த பின்பும்
கவிதைகளில் அவளின் முகம் ஞாபகம்

திருநங்கை

இவள் பெண்மை இல்லா
பெண்மணி
தாய்மை இல்லா
தனி மணி

நான் இல்லை

நேற்றுவரை நான் இங்கில்லை
இன்றுமுதல் நான் அவனில்லை
நாளைமுதல் நான் என்னுள் இல்லை

வாழும் வாழ்த்துகள்

உனக்கு வந்த
ஆயிரம் வாழ்த்துகளில்
என் வாழ்த்தும்
வாழ்கிறது
எதோ ஒரு மூலையில்
சொருகப்பட்ட சுருக்கெழுத்தாய்

கரு கரையுமோ (கரையும் கரு)

கயவனால் கையாடல் செய்யப்பட்டு
கர்ப்பை இழந்தவள்
கருவை கலைக்க
கடும் மலையில் நனைகிறாள்

காற்றுக்கு வேலி

இங்கேது காற்று துளைத்து செல்ல இடம்
இருவரும் இறுக்கி அணைத்து தழுவும்போது

கனவுகளாய்

நான் மட்டும் கனவுகள் இல்லை
அவளும் கனவுகள் தான்
இருவரும் கனவுகளில் வாழ்கிறோம்
கனவுகளாய்

நல்ல வேசி

தினுசு தினுசாக ஆளை மாத்துரியே
அலுத்து போன பிறகு
புது ஆளை
இதமாய் சேர்க்குறியே

நியாயம் கேட்டால்
கேட்போரை
கவுக்க பாக்குறியே

நல்லவளாக நடித்து
வேசி வாழ்க்கை
வாழுறியே

முத்தக்காரி

ஒய்யாரி சிங்காரி
கச்சைகள் இல்லா

சித்துக்காரி என் முத்தக்காரி...

காரியமானவள்

ஒரு பக்கம் வந்தாள்
ஒரு முத்தம் தந்தாள்
முத்தக்காரி

இதழ் நித்தம் தந்து
எனை பித்தம் செய்தாள்
சித்துக்காரி

இவள்
பொய்க்காரி
ஒய்யாரி
சிங்காரி
மாயக்காரி

எல்லாம் உனக்கு நான்னாக

இனி ஒரு காலம் வருமோ
என்னோடு நீ பயணிக்க

இதுவரை உன்னுள்
நான் வாழ்ந்த நாட்கள்
பொற்காலம்

இனி நீ என்னை நிரந்தரமாய் இழக்க  போகிறாய்
என் நினைவுகளை மட்டும்  சுமந்துகொண்டு
காலம் காலமாய்
திரிய போகிறாய்

உனக்கு
எல்லாம்
நான்னாக

இலக்கை நோக்கி

இங்கே அனைவருக்கும் ஓர் இலக்கு உண்டு
வெற்றியோ தோல்வியோ
அந்த இலக்கை நோக்கி தான்  பயணிக்கிறார்கள்.
ஆனால்
நான் மட்டும் திசை மாறி பயணிக்கிறேன்
என் இலக்கு இன்னாது என தேடி.

துருவ திசைகள்

துருவங்கள்  இரண்டும்
திசைகள்  எட்டும்

பார்த்துவிட்டேன்
உன்னைப்போல்
ஒரு
பேதையை
நான் பார்த்ததில்லை

===============================================

துருவங்கள்  இரண்டும்
திசைகள்  எட்டும்
குருடனாய்
கடந்து வந்து விட்டேன்
எங்கும் எதையும்
பார்த்திராத நான்
பார்த்தேன் உன்னை
பார்வை யுள்ள (யற்ற)
பரதேசியாய்

+++++++++++++++++++++++++++++++++++++++++++++++

துருவங்கள்  இரண்டும்
திசைகள்  எட்டும்

நம் காதல்
கைகூட
காத்துக்கிடக்கிறது

நாம் இன்னும்
காத்துக்கிடப்பதை
பார்த்து
பொறுக்க முடியாமல்

>>>>>>>>>>>>>>>>>>>>>>>>>>>>>>>>>>>>>>>>>>>>>>>

துருவங்கள்  இரண்டும்
திசைகள்  எட்டும்

ஏங்குகிறது
ஏக்கத்தின் தாக்கம்
ஏன்
என்று
பார்த்தேன்

ஏழ்மை தெரிந்தது
<<<<<<<<<<<<<<<<<<<<<<<<<<<<<<<<<<<<<<<<<<<<<<


துருவங்கள்  இரண்டும்
திசைகள்  எட்டும்

நம்மை
கண்காணிக்கிறது
எங்கே
நாம் ஒருவரை ஒருவர்
பார்த்து
காதல் கொண்டுவிடுவோமோ
என்று

::::::::::::::::::::::::::::::::::::::::::::::::::::::::::::::::::::::::::::::::::::::::::::::

துருவங்கள்  இரண்டும்
திசைகள்  எட்டும்

நான்
பார்த்துவிட்டு விட்டேன்
ஒரு பொய்யை
உன்னைப்போல்
பேரழகி
இவ்வுலகில்
இல்லை
என்று
****************************************************

(அறுசுவை)

நான் தூங்கமாட்டேன்

நான் விழித்துகொண்டு தான் இருக்கிறேன்
இருந்தாலும் சிலர் என்னை தட்டி எழுப்புகிறார்கள் .

அவர்களிடம் சொல்லுவதற்கு
வேற்றோன்றுமில்லை
நான் தூங்கமாட்டேன்
என்று

ஒழுங்கின் ஒழுக்கம்

நான் அனைத்து
வரையறையையும் வரம்பையும் ஒழுக்கத்துடன் மீறுகிறேன்
ஒழுங்கில்லாத காரணத்தால்.

பெறுகிறேன் தருகிறேன்

என் எண்ணங்களின் தாக்கம் உங்களிடமிருந்தால்..
என் எண்ணங்களின் தாக்கமும் முன்பே உங்களிடமிருந்து பெறப்பெற்றதே
பெறுகிறேன் தருகிறேன்

அன்பே லாபம்

அன்பை நோக்கிய திருமண பயணங்கள்
வாழும்
லாபத்தை (வருமானம்) நோக்கிய திருமண பயணங்கள்
சாகும்