மெல்லிசை மழை

 காதல் பூக்கள் பூக்கும்

நினைவு சாலை எங்கும் 

கவிதை மழையில் வெள்ளம் 

மெல்லிசையில் கரையும் உள்ளம் 

தோற்றுப்போகும் உறவுகள்

அகந்தையும் அகங்காரமும் 

விட்டுக்கொடுத்தலை கெடுக்க 

காதலற்று காமமற்று

உள்நெஞ்சில் போர் தொடுக்க

அறுதலுக்கு புது உறவை நாடி

ஆற்று வெள்ளத்தில் துடுப்பற்று ஓடி 

கரை சேர்ந்தால் போதும்

என்கிற நிலையில் 

இன்றைய நிச்சயமற்ற உறவுகள்.

சுயநலம் பிடித்தவள்கள்

 இதயத்தை

அவளும் பறித்தாள்

இவளும் பறித்தாள்

இன்பத்தை

இவளும் பகிரவில்லை

அவளும் பகிரவில்லை

சுயநலம் பிடித்தவள்கள்

😂😎

தொலைந்தேன் தனிமையில்

 நேற்று எனை தொலைத்தேன்

இன்று எனை தேடுகிறேன் தனிமையில்.

காதல் விசை

 காதலின் ஈர்ப்பு விசை தொலைத்தோம்.

பொருளின் ஈர்ப்பு விசையில்

தொலைதூர காதல்

 

மனதின் நெருக்கத்தில் 

சந்திக்கும் துடிப்பில் 

வாய்ப்பின்மையின் தவிப்பில்

எதிர்பார்ப்பின் ஏக்கத்தில்

தொடரும் காதல்

ஒளி ஆண்டு

 இன்னும் பூமியை வந்தடையாத 

ஒரு நட்சத்திர ஒளியில் தான் 

ஒரு விடிவும் 

ஒரு முடிவும் 

பயணிக்கிறது

அறநெறி உத்தமம்

 அறநெறி தவறாத வாழ்வே 

பசிப்பிணியை விட உத்தமம்

 காலம் கடந்தாலும் இறுதியில் நல்வினை தரும்

பொதுவில் தலைமறைவு

 என் ரகசியங்களை பொதுவில் வைத்துவிட்டு

தலைமறைவு வாழ்க்கை வாழ்ந்துகொண்டு இருக்கிறேன்